मुख्यमंत्री माझी लाडकी बहीण योजनेच्या हप्त्यासाठी २६३ कोटी रुपयांचा निधी मंजूर; लाभार्थ्यांच्या प्रतीक्षेला पूर्णविराम.
नोव्हेंबरच्या हप्त्याला मंजुरी
मुख्यमंत्री माझी लाडकी बहीण योजनेअंतर्गत पात्र असणाऱ्या आणि नोव्हेंबर महिन्याच्या हप्त्याच्या प्रतीक्षेत असणाऱ्या लाखो महिला लाभार्थ्यांसाठी एक अत्यंत दिलासादायक आणि महत्त्वपूर्ण अपडेट समोर आली आहे.
नोव्हेंबर महिन्याचा प्रलंबित असलेला हप्ता वितरित करण्यासाठी अखेर राज्य शासनाच्या माध्यमातून मंजुरी देण्यात आली आहे. आज, ८ डिसेंबर २०२५ रोजी, राज्य शासनाने या हप्त्याचे वितरण करण्यासाठी आवश्यक असलेला निधी मंजुरीचा महत्त्वपूर्ण निर्णय घेतला आहे आणि यासंदर्भातील शासकीय निर्णय (GR) सामाजिक न्याय व विशेष सहाय्य विभागामार्फत निर्गमित करण्यात आला आहे.
२६३ कोटी रुपयांचा निधी वितरित
या योजनेत सर्वसाधारण, अनुसूचित जाती (SC) आणि अनुसूचित जमाती (ST) या तिन्ही प्रवर्गांसाठी राज्य शासनाकडून निधी उपलब्ध करून दिला जातो. यापैकी, अनुसूचित जाती (SC) प्रवर्गासाठी सामाजिक न्याय व विशेष सहाय्य विभागाच्या माध्यमातून उपलब्ध करून देण्यात येणारा निधी आज अखेर मंजूर करण्यात आला आहे.
या मंजुरीमुळे, योजनेचा नोव्हेंबर महिन्याचा हप्ता वितरित करण्यासाठी राज्य शासनाकडून २६३ कोटी ४५ लाख रुपयांचा निधी वितरित करण्यास मंजुरी देण्यात आली आहे.
वितरणाची तारीख लवकरच होणार जाहीर
स्थानिक स्वराज्य संस्थांच्या निवडणुका आणि आचारसंहिता या सर्वांमुळे हप्ता कधी वितरित होणार याबद्दल लाभार्थ्यांमध्ये अनेक प्रश्न होते. मात्र, आता निधी मंजुरीचा महत्त्वाचा निर्णय घेण्यात आल्यामुळे ही प्रतीक्षा संपली आहे.
-
या हप्त्याच्या वितरणाची तारीख लवकरच महिला व बालविकास मंत्र्यांच्या माध्यमातून जाहीर केली जाईल.
-
उपलब्ध करून देण्यात आलेला हा निधी डीबीटी (DBT) अर्थात थेट लाभ हस्तांतरणाच्या माध्यमातून महिला लाभार्थ्यांच्या खात्यामध्ये क्रेडिट केला जाणार आहे.
या योजनेच्या हप्ता वितरणाच्या तारखेसंदर्भात पुढील कोणतीही अपडेट आल्यास, ती तुम्हाला त्वरित कळवण्यात येईल.
